Salve,no me vien in testa un titolo più bel per meter quele "filastroche che de fioi se cantava.....se qualchedun gà un idea.......
........ben bon per capir de cossa che parlo ve meto la prima che ghe servi al nostro aministrator:
Bati, bati le manine
che vignerà papà.
El porterà i bomboni
e Andy li magnerà
.....la vegniva cantada de un genitor o un parente tenindo la creatura in brazo e fazendoghe bater le manine..............
.............zà vedo, Canocia che tien Andy in brazo......Tanto i xe mezi parenti..........
Strazacavei
.......e adesso ve meto un altra che iera un zogo che no finiva mai,se stufavimo dopo un poco, e de solito chi che sbaliava pagava pegno....
El frate ga perso le zavate,
el numero 2 le ga trovà
n.2:
"Chi mi?"
n.1:
"Ti si!"
n.2:
"Mi no!"
n.1:
"Chi pò?"
n.2:
"El numero 4"
n.4:
"Chi mi?"
n.2:
"Ti si!"
n.4:
"Mi no!"
n2:
"Chi pò?"
n.4:
"El numero 3"
..............tanti che ierimo ,tanti frati iera,ognidun el suo numero e via.......
...........e fra un pochi de giorni vien la festa che de pici spetavimo più de tuto:
San Nicolò
che se diseva tuto intiero Sannicolò......no iera Befane,Babbi Nadal o adesso quela robazza che i ciama hallowen
Sannicolò de Bari
la festa dei scolari
scolari no fà festa
Sannicolò ghe taja la testa
ve stupirò un pochetin con 'sta filastrocca in bisiaco puro e antico(che a mi me fa morir de rider)
..òdula,òdula capeluda
che magnava fava cruda
co'la pelle me vestisso
co'la carne me pasìsso
vado su la riva del mar
s'cominicio a trombettar....salta fora la vecia sgargaiona..
la ciapo pei sufi
la buto sui mussi
i mussi corri intorno
la vecai va in t'el forno
el forno va in cric
la vecia va in t'el s'git
el s'git el va in fortaia
e Andrew xe una gran canaia..
te pol meter el nome che te vol in finale, mi go pensà a ti...
se no' la capì, domandème.
Ultima modifica di Karolina il Lun Nov 28, 2005 9:21 am, modificato 1 volta in totale _________________ ..che l'A vadi ben, che l'A vadi mal, sempre alegri mai passion!
..e la mitica "gigi pirola"..
gigi, gigi pirola
ga roto la pignata
su mare come mata
la ghe coreva drio.
cori su per servola
zò per montebelo
la gà trovà un capelo
e la lo ga vendù.
tre soldi per la pipa
quatro pe'l tabaco
gigi xe un macaco
e un macaco el resterà
gigi, gigi pirola
ga roto la pignata
su mare come mata
la ghe coreva drio.
cori su per servola
zò per montebelo
la trova un torentelo
e la finissi in'tel potok
gigi, gigi pirola ecc.
con tuta 'sta cagnara
el xe finì in preson
gigi, gigi pirola ecc.
la ga trovà un baul
e dentro iera gigi
che se gratava el cul.
..je lijepa?
_________________ ..che l'A vadi ben, che l'A vadi mal, sempre alegri mai passion!
ripeto come sora non so sela xe triestina e se la scrivo giusta :
pimpirul pianzeva
el voleva meza mela
la mamma non la gaveva
a mezanote in punto
passava un aeroplano
e soto iera scrito
pimpirulin stà zito !!!!
e za che semo in tema......
Sotto el ponte de Verona
xe una vecia scorezona
che vendeva merda secca
cento lire alla fetta
quante fette te vol ti?
Andar for te tocca a ti!
...pindolin che pindolava
mustacin che lo vardava
se cascava pindolin
che ridade mustacin...
..a le more, trenta soldi
..a le bionde, vintioto
..a le rosse, gnanca oto
..a le grize , un patacon!
adesso pensè voi a meter qualchduna, che mi no me ricordo :!: :!: :!:
_________________ ..che l'A vadi ben, che l'A vadi mal, sempre alegri mai passion!
.....la vegniva cantada de un genitor o un parente tenindo la creatura in brazo e fazendoghe bater le manine..............
.............zà vedo, Canocia che tien Andy in brazo......Tanto i xe mezi parenti..........
Strazacavei
Mi tenirlo in brazo? Prova ti se te rivi Al massimo podessi tegnirlo sui zinoci, sperando che no me cedi le rotule
Non puoi inserire nuovi Topic in questo forum Non puoi rispondere ai Topic in questo forum Non puoi modificare i tuoi messaggi in questo forum Non puoi cancellare i tuoi messaggi in questo forum Non puoi votare nei sondaggi in questo forum
Tutti i fusi orari sono GMT + 1 ora
Pagina 1 di 3Vai a pagina 1, 2, 3Successivo
